ده كان سؤال لأحد أصدقائي وبلا شك كل واحد فينا سأل نفسه السؤال ده قبل اتخاذ قرار "مع" او "ضد" الثورة لكن يمكن الاجابة مكانتش مصاغة في نقاط محددة ولكن هي نتاج لتجارب التعايش والانتماء لهذا البلد العظيم اللي ربنا يستر عليه .
اجابتي على السؤال كانت من خلال مواقف عشتها خلال تجربة المعيشة بدولة الامارات العربية المتحدة اللي بعتبرها وطني التاني وأكن كل احترام وتقدير لهذا الوطن وأهله .. واستعراض المواقف هياخد شكل مقارنة بين التجربة المصرية اللي بنعيشها كلنا وبين التجربة الاماراتية اللي هسردهالكم في اجابتي الاتية في موقف واحد ..
قال اييييه .. "بتابع جودة الخدمة" !!
تاني يوم من استخراجي لرخصة القيادة الاماراتية _الشبة مستحيلة_ وبعد عيون الناس والأر الطبيعي جدا ماشي في أمان الله واذ فجأة وبدون سابق انذار تطلع عليا بنوته راكبه عربيه من العاليين دول اللي بيوسعو الفجوة الطبقية بين الناس ومكلفتش نفسها تبص بصه كده عالشارع اذا كان في حد ناوية تموتو ولا ايه .. المهم ..تاااخ ..حصل اللي حصل وخبطت عربيتي .. لحظة صمت ..بصيت لوالدتي اللي كانت راكبة معايا اتطمنت عليها .. اتصلت بالشرطة وانا لسه جوا العربية بلغت عن الحادثة في مكالمة لم تستغرق أكثر من 30 ثانية .. نزلت بصيت على عربيتي .. الحمد لله جت سليمة تأثير بسيط يعني .. رحت أطمن على البنت ,كان بيني وبين عربيتها مسافة 15 متر .. عندك اصابات في الركاب ؟ قالت لا الحمد لله .. قلتلها انا اتصلت بالشرطة .. وانا راجع لعربيتي وقبل ما اوصل وصلت سيارة الشرطة .. نزل الضابط عاين العربيتين وحكيتلو ازاي حصلت الحادثة .. بدأ يكتب تقرير الحادثة .. في الوقت ده خرج شاب من البيت اللي احنا واقفين امامه كان اخو البنت .. وقف معانا ومشيت البنت .. وفي أثناء كتابة التقرير كسر الضابط الصمت بينا وسأل الشاب : كيف حالك " سعود " وكيف حال " الوالد " ؟ .. طبعا انا عند السؤال ده قلت بس هيا فيها سعود والوالد هيشيلوك الغلط يابوحميد ! .. انهى الضابط التقرير وسلم اول نسخه للشاب " سعود " ومشي سعود بعد ما سلم علينا بعدها سلمني الضابط التقرير الخاص بي فكان سؤالي ليه :انت شايف الرخصة جديدة ودي اول حادثة يعني قولي حضرتك عملت ايه وانا هعمل ايه ؟ .. رد عليا الضابط بكل هدوء : طبعا الغلط على فلانة والتقرير ده هتروح بيه شركة التأمين الخاصة بيها هتصلحلك التلفيات في عربيتك .. طبعا انا شكرته لكن كان جوايا فرحه كدا ان على الرغم من اني مغترب وفي "سعود "وفي "الوالد" وبرضه غلطها !! .. مشيت للبيت وكان والدي في أنتظاري خد التقرير واثناء قرائته شفت ابتسامه كده استغربتها !! قالي انت عارف البنت دي مين ابوها ؟ ده فلان ضابط برتبة كبيرة في نفس مركز الشرطة اللي كان منها كاتب التقرير !! .. "لا تعليق"
تاني يوم وبعد مشوار شركة التأمين اللي مكانش
فيه اي صعوبة .. رن هاتفي برقم مركز الشرطة !! يا ترا في ايه هو اللي حصل امبارح
فعلا كان غريب يا ترا هيقولو ايه .. المهم رديت وكانت المحادثة كالأتي .. بعد
السلام والترحيبات .. عرفني المتصل بنفسه
.. مدير مركز الشرطة اللي قدمت فيه البلاغ امبارح "زي مأمور قسم عندنا
كده"
.... : في شوية أسئلة بخصوص بلاغ الامس .
.... : اتفضل
.... : بالنسبة لسيارة الشرطة هل وصلتك في الموعد المناسب بعد البلاغ عن الحادث ؟
" طبعا انا اجابتي كانت عبارة عن نفي تهمه لان اول ما خطر ببالي هو ان في مشكلة "
.... : وصلت علطول دا مفيش دقيقتين !
.... : بالنسبة لعسكري البداله اللي رد عليك هل كان اسلوبه مناسب ؟
.... : جدا جدا الراجل كان محترم جدا معايا !
.... : شكرا أخ احمد ونأسف للأزعاج .
.... : لأ استنى حضرتك , انت مكلمني عشان اللي خبطتني بنت" فلان "؟!
.... : لا أحمد بشكل شخصر انا بتأسف جدا .. لكن "أنا بتابع جودة الخدمة" .
"النهـــــــــــــــــــــــــــــــــــــــــــاية "
"لا تعليــــــــــــــــــــــــــــــــــــــــق "
.... : في شوية أسئلة بخصوص بلاغ الامس .
.... : اتفضل
.... : بالنسبة لسيارة الشرطة هل وصلتك في الموعد المناسب بعد البلاغ عن الحادث ؟
" طبعا انا اجابتي كانت عبارة عن نفي تهمه لان اول ما خطر ببالي هو ان في مشكلة "
.... : وصلت علطول دا مفيش دقيقتين !
.... : بالنسبة لعسكري البداله اللي رد عليك هل كان اسلوبه مناسب ؟
.... : جدا جدا الراجل كان محترم جدا معايا !
.... : شكرا أخ احمد ونأسف للأزعاج .
.... : لأ استنى حضرتك , انت مكلمني عشان اللي خبطتني بنت" فلان "؟!
.... : لا أحمد بشكل شخصر انا بتأسف جدا .. لكن "أنا بتابع جودة الخدمة" .
"النهـــــــــــــــــــــــــــــــــــــــــــاية "
"لا تعليــــــــــــــــــــــــــــــــــــــــق "
ليست هناك تعليقات:
إرسال تعليق