الكذب: ... ويؤكد التلفزيون المصري على عدم
وجود أي اسلحة نارية أو خرطوش بحوزة رجال الأمن بــ"شارع محمد محمود "...
"مصور النيل للأخبار يصاب بطللق
خرطوش في عينه " .
الفتنة : ...ويهيب التلفزيون المصري السادة المواطنون
الشرفاء بالنزول والتصدي للأقباط أمام ماسبيرو والوقوف بجانب رجال الجيش المساكين ...
التضليل : 25 يناير يعرض التلفزيون المصري مشهد لكوبري قصر النيل
حيث الهدوء والسكينة ويستدل بها على عدم وجود أحد بالشارع ..
هيكل والأجندة ..
... تعالو نرجع كدا
بالذاكرة ورا شوية ..النكسة.. هو كان ايه دور الاعلام بعدها ؟ كان ايه دور جهاز
السينما ؟؟ أيييوه هوا اللي في بالك ده .. جنس , عري , دعارة ..ودي أسلحة
التضليل على مر العصور .. وكانت بداية تسييس الاعلام واستخدامه لأهداف لا تقل
وقارا عن نجومه ..
طبعا كلنا عارفين دور الاعلام خلال فترة
المخلوع ونظامه وكان لا مؤخذه "التعريض" على عينك يا تاجر.. فلم يكن
للأعلام أي دور غير الادوار الخبيثة ذات
الاهداف القذرة .. وطبعا السينما كانت علم من أعلام اللعبة .. نحمد الله على كل شئ
,بس خلال 30 سنه قدرنا نكون أرشيف سينمائي واعلامي يخزي و يجيب العار .. ناهيك بقى
عن الجرايد اللي بقت تشع كدب و "تعريض" .. وبقت الامانة الاعلامية
والشرف الصحفي كلمات غريبة تستخدم لنفس
الاهداف القذرة عند كيل الاتهامات لأصحاب الاقلام الشريفة , لحد هنا بنسرد ماضي
وعصر أنتهى .. وقامت الثورة وطلع الشباب البديع ..وجه المجلس وجاب حكومة الـــ
"شرف" ومن هنا هندي فرصة للسيد أسامه هيكل ينفذ فكره العظيم اللي
المفروض يكون فكر ثوري بقى .. أيوه حصل تغيير .. تغيير بجد .. الاعلام بدل مكان
قذر بقى أقذر .. أنا مش من متابعين التلفزيون المصري بس اللي بيحصل على الشاشات دي
أقل ما يوصف بيه أنو بقى فضيحة ..وطبعا كلو على "شرف" المجلس الموقر
ومجايبو ..دعوة التلفزيون المصري لفتنة طائفية مبقتش محتاجة تدقيق وتمعين زي زمان
.. واهو على عينك يا تاجر "أيها المواطنون الشرفاء" أنزلو ولعو في بعض
.. وحديث ماسبيرو الشهير اللي كان عىلى لسان أحدى فاتنات الشاشة المنحدرة من أرقى
العائلات المصرية المقيمة ببرتو طره ..
طبعا كلنا تابعنا الهجمة الشرسة على قناة
الجزيرة قبل وبعد الثورة بداعي مغالطة
الحقائق والتلفيق والكذب والمبالغة واشعال الفتن ..كان مع الفقي وادينا بنسمعه مع
هيكل ..وهوووب أقفل قناة الجزيرة ليه يعم هيكل ؟؟ قالك مفيش تراخيص !! أيوه
هيكل ظبط الوزارة كلها فاضل تراخيص
الجزيرة .. وطبعا السادة اللي كان قصدهم يخربو البلد اللي كانو بيتابعو القناة دي
بدأو بالبحث عن البديل بين الترددات
الفضائية .. واذ فجأة وبدون سابق انذار تلاقي السيد هيكل المحترم بدلك قناتك دي
بباقة من القنوات .. ومترخصين وكلو في السليم .. عزيزي متتعبش نفسك في البحث نحن
نتحدث عن باقة الجنس .. "التيت
,المصراوية ,المولد, ... " وتتطول قائمة
المترخصين!!!
هيكل رخص التيت .. وطبعا كلو على
"شرف" المجلس..مش بيفكرك ده باللي حصل أيام النكسة ؟؟ لا يا أخي وقتها
كانت السينما هيا اللي بتعمل كدا .. فيطل "شارع الهرم " كأعظم فيلم
سينمائي يضاف لأنجازات المجلس ووزارة الـ"شرف" .. ويوثق تلك الفترة من
حياة وتوجه المصريين .. ويكون دليلا واضحا وصريحا لسياسات المجلس والوزارة الثورية
..
اعلام "تيييت" لشعب " ذا
مرجعية دينية " !!
من أهم صفات الشعب المصري واللي ينكر الصفة
دي يأعمى ياغبي .. أحنا شعب متدين مسلمين بمسيحيين .. بلد الأزهر
,البلد اللي فيها لكل 5 مواطنين مسجد ,البلد اللي مسيحييها دونا عن مسيحيي
العالم الكنيسة بالنسبالهم مش بس فرح وميتم , البلد اللي أهلها يحسسوك أنك في وسط
البلد وأنت في الحقيقة في مكة ..بلد الشعراوي والقرضاوي وشنودة .. وطبعا
الانتخابات البرلمانية دليل واضح .. فصعود الاخوان والسلفيين عن المسجد و الكتلة
عن الكنيسة .. ودي كلها دلائل على تدين
الشعب ومرجعيتة الدينية .. اللي مش فاهمو بقى أزاي الأقلية التيييت دي ذات
"اللامبادئ" فرضت سيطرتها على المنبر الاعلامي المصري ؟!!!
أما تشوية صورة الشعب فدا كان هدف رئيسي وكان
تثبيت الصورة الفاسدة والمشوهه عن مجتمعنا سبيل لتحقيق فساد اكبر وأن الناس تفضل
نايمه وتعم السلبية البلاد ويضحك الجميع ...
مره كنت بتكلم مع أحد أصدقائي
المحترميين وهو من جنسية عربية وكان
الكلام عن الشباب المصري والعمل الخيري المثمر المنتشر في مصر اللي أنا سعيد جدا
بيه بشكل شخصي ودار الحوار عن ايجابية الشباب في مصر وأن العمل الخيري دليل على
وعي كبير بين الشباب رغم كل المعاناة والفساد .. الصدمة كانت في رده لما وصفلي
صورة الشباب المصري في ذهنه متلخصه في قعدة كبريه وازازة البيرة وسيجارة الحشيش ..!!!
أيوا هيا دي صورتنا .. طيب هيشوف الحقيقة فين لما الأعلام اللي هوا صورتنا
شايفنا كدا .. لا مش شايفنا كدا هوا عايزنا نكون كدا ..
طبعا أحنا كدا ضلمنا الصورة تماما ...طيب هو
الموضوع ليه حل ؟؟؟ ولا هنرضى بالأمر الواقع ولا هنعمل أيه ؟؟؟
اتعرض حلول كتير ووجهات نظر مختلفة أشهرها
الغاء وزارة الاعلام بس من وجهة نظري المتواضعه أن لو أي فئة عايزة تسيطر على
الاعلام هتقدر تسيطر بوزير أو من غير وزير .. وطبعا يجب الا نغفل التحول المتوقع
للأعلام بعد صعود الاخوان للسلطه .. ونأمل أن يكون التغيير أيجابي .. انا ليه وجهة
نظر كدا وتحمل الصحة والخطأ بس أنا شايف أن الحل هوا تكوين أعلام شعبي عن طريق
أبداء الرأي بكل موضوعيه وكل واحد حسب رؤيتو للأحداث ووجهة نظره فيها وبذلك هناخد
مساحه كبيرة من الاعلام الغير رسمي في سبيل صعود اقلام المبدعين في يوم من الايام
الى الاعلام الرسمي وممكن نسميها أحتلال
مساحات من المنبر الاعلامي عن طريق أقلام صادقة وبسيطة بلا أي اهداف مشوهه
ومصلحتها الوحيدة عرض وجهة نظر نظيفة في الاحداث الجارية والقادمه ان شاء الله ..
اللي اتمنى تكون أقل عنفا.. أقل دموية .. أقل
فسادا .. وذات أجندات ترعى مصلحة بلدنا
وتحافظ على ما تبقى من كرامة ولادها .
·
كلمة أخيرة أو معلومة لمن لم يحالفهم الحظ بالفرجة على
باقة "التيت والمولد والدربوكة" هي قنوات فضائية ظهرت في عهد حكومة شرف
ورجله الاول بوزارة الاعلام السيد اسامه هيكل ويتلخص ما تعرضه هذه القنوات في
الفتيات "العاريات العاريات
".. ووصلات من الرقص العاري .. ذا الاهداف الجنسية البحتة ..
·
"شارع الهرم" فيلم مزدحم
كما حال الشارع ولكن في السيما كانت الازدحام في وصلات الرقص والتلميحات الجنسية
الوقحه ويحمل رساله واضحة للشعب الغلبان مفادها "نامو في العسل" ..
احمد
مصطفى عمر
ليست هناك تعليقات:
إرسال تعليق